სამუშაო შეხვედრა CTC მესტიის ოფისში

2012 წლის 30 მაისს მესტიის CTC-ის ოფისში გაიმართა სამუშაო შეხვედრა, რომელსაც უძღვებოდა პროექტის კოორდინატორი პავლე თვალიაშვილი.

სამუშაო შეხვედრის თემა იყო  ”განვითარებული არასამთავრობო ორგანიზაციის მახასიათებლები”. სამუშაო შეხვედრაში მონაწილეობდა მესტიის რაიონის 8 არასამთავრობო ორგანიზაციის წარმომადგენელი.

განხილული იქნა განვითარებული ორგანიზაციების მახასიათებლების ხედვა და რეალური მდგომარეობა.

გამოიკვეთა შემდგომი სამუშო შეხვედრის სასურველი თემა ”ორგანიზაციის მდგარადობის შენარჩუნება სოციალური საწარმოს მეშვეობით”.

კლიმატზე ზემოქმედების დღე

5 მაისს CTC-ის ზემო სვანეთის პროექტის ახალგაზრდული კომპონენტი და ადგილობრივი ორგანიზაცია ”მეოხი2010” რამდენიმე მოხალისესთან ერთად შეუერთდა საერთაშორისო გლობალურ აქციას ,,კლიმატზე ზემოქმედების დღე".
კლიმატზე ზემოქმედების დღე  ყოველ 5 მაისს აღინიშნება.
აქციის ფარგლებში  მონაწილეებმა ისაუბრეს თუ რა გარემო პირობები ახდენს გავლენას კლიმატის ცვლილებაზე.

პატარა სტუმრები CTC-ის მესტიის ოფისში

30 აპრილს CTC-ის ოფისს მესტიის #2 საჯარო სკოლის მე-2 კლასის მოსწავლეები და მასწავლებელი ესტუმრნენ. პედაგოგმა ნაზო გულბანმა მოსწავლეებისთვის მოაწყო კლასგარეშე აქტივობა მათი წახალისების მიზნით.  

8 პატარა სტუმართან შეხვედრა საინტერესო და მრავალფეროვანი იყო. მათ დაათვალიერეს CTC-ის ოფისი და გაიცნეს მისი საქმიანობები. მოსწავლეებს ახალაგაზრდული და განათლების კომპონენტის კორდინატორმა ია გურჩიანმა უპასპინძლა. მან ბავშვებს სხვადასხვა საგანამანათლებლო აქტივობები შესთავაზა.   მოსწავლეებმა გააკეთეს მოკლე პრეზენტაცია დედამიწის დღესთან დაკავშირებით. წარმოადგინეს სკოლაში გაკეთებული პლაკატი, რომელზეც წარმოდგენილი იყო დედამიწის დღისადმი მიძღვნილი ნახატი და ჩამოწერილი იყო მათი აზრით რა აწუხებს დედამიწას. ასევე იქვე დახატეს ნახატები თემაზე გაზაფხული.

 ყველაზე საინტერესო იყო აქტივობა ”ჩემი ხელები”. ბავშვებმა იმსჯელეს თემებზე, როდის გრძნობენ თავს კარგად? როდესაც კარგ საქმეებს აკეთებენ გრძნობენ თუ არა თავს კარგად და რატომ? ბავშვებმა თქვეს, რომ კარგად გრძნობენ თავს, როცა გაჭირვებულს ეხმარებიან, როცა ტრანსპორტში ხანშიშესულს ადგილს უთმობენ და ა.შ. შემდეგ ფერად ფურცლებზე დახატეს საკუთარი ხელები და გამოჭრეს მაკრატლით. გამოჭრილი ხელები წრიულად დააწებეს დიდი ფორმატის ქაღალდზე, ხელებში ჩაწერეს საკუთარი სახელი, გვარი, ასაკი და მათი შეხედულება, თუ რა კეთილი საქმეების გაკეთებას ისურვებდნენ საკუთარი ხელებით რეალურ ცხოვრებაში. ბავშვების კეთილი სურვილები იყო ადამიანების გადარჩენა, გაჭირვებულების დახმარება, ყვავილებისა და ხეების დარგვა, ეკლესიის აშენება,სიკეთის კეთება.

                                                                                     

ტრენინგი ახალგაზრდებისთვის ბლოგის შექმნაში

ზემო სვანეთის ახალაგზრდებისთვის 27 – 28 აპრილს CTC - ის მესტიის რესურს ცენტრში ჩატარდა ტრენინგი  ბლოგის შექმნასა და სოციალურ მედიაში. ტრენინგ-კურსს ესწრებოდნენ მიკრო საგნატო კონკურსში გამარჯვებული სამი ახალაგაზრდული პროექტის საინიციატივო ჯგუფების წარმომადგენლები:  მესტიიდან - პროექტი ”გზა მწვევრაველბისკენ”, ეცერიდან პროექტები ”დავიცვათ ბუნება დაბინძურებისგან” და ”სიცოცხლის წყარო”. ტრენინგს უძღვებოდა CTC-ის ზემო სვანეთის პროექტის ასისტენტი თეა მხეიძე. 

მონაწილებმა ისწავლეს და ტრენინგზევე შექმნეს საკუთარი პროექტების ბლოგები, შექმნეს მათი დიზიანი, მაკეტი, შეავსეს ინფორმაცია პროექტების შესახებ. შეიქმნა ახალგაზრდული პროექტების 3 საიტი: davicvatbuneba1.blogspot.com , sicocxliswyaro.blogspot.com ,  gzamwvervalebisken.blogspot.com .  

მონაწილეებმა ისწავლეს საიტის განახლება, ახალი ინფორმაციის დამატება და ტრენინგზევე დადეს პროექტის რამდენიმე სიახლე. პროექტების მიმდინარეობის შესახებ ბლოგებზე ინფორმაციის განახლება მოხდება  სისტემატურად. CTC  საჭიროებისამებრ დაეხმარება ახალაგარზდებს ბლოგთან დაკავშირებულ საკითხებში.

გამარჯვებული დანარჩენი პროექტების ბლოგებიც შეიქმენბა უახლოეს მომავალში. ახალაგზრადული პროექტების ბლოგები საინტერესო იქნება ახლაგარზდების გამოცდილების გაზიარების თვალსაზრისით.