არასამთავრობო ორგანიზაციებისთვის გამოცხადებული საგრანტო კონკურსის შედეგები

CTC - ის ზემო სვანეთის პროექტის ფარგლებში ადგილობრივი არასამთავრობო ორგანიზაციებისა და საინიციატივო ჯგუფებისათვის გამოცხადებულ საგრანტო კონკურსის მესამე რაუნდში 7  საპროექტო განაცხადი შემოვიდა, მათგან 4 იყო კოალიციური პროექტი. კოალიციაში ჩართული იყვნენ  როგორც ადგილობრივი ორგანიზაციები, ასევე მესტიის მუნიციპალიტეტის გარეთ მომუშავე პარტნიორი ორგანიზაციები. საგრანტო კონკურსში მთლიანობაში მონაწილეობა მიიღო 11-მა ორგანიზაციამ და ერთმა საინიციატივო ჯგუფმა.


საგრანტო კონკურსის კომისიამ განიხილა და 3 პროექტს გაუწია რეკომენდაცია დასაფინანსებლად, მხოლოდ კომისიის მიერ შემუშავებული რეკომენდაციების გათვალისწინების შემთხვევაში. კომისია წამყვანი საზოგადოებრივი ორგანიზაციების წარმომადგენლებისგან იყო დაკომპლექტებული. დასაფინანსებლად რეომენდაცია გაეწია შემდეგ პროექტებს:

1. ახალი ხაიში ძველის დასაცავად - განმხორციელებელი "მეოხი2010", მესტია. პარტნიორი ორგანიზაცია "საქართველოს სამოქალაქო საზოგადოების განვითარების ასოციაცია (ACSDG)"
2. მოვიძიოთ და განვაახლოთ ჩვენი წარსული - განმხორციელებელი სვანეთის საეკლესიო საზოგადოების კავშირი "ლაგუშედა", მესტია.  
3. ამოვჩინოთ ჩვენი ბუნება - განმხორციელებლი "გამოვაჩინოთ სოფლად ახალგაზრდები", ფარი.     

მადლობას ვუხდით ყველა ორგანიზაციას საგრანტო კონკურსში მონაწილეობისთვის.