„დედამიწის დღე” მესტიაში

 22 აპრილს დედამიწის საერთაშორისო დღესთან დაკავშირებულ სხვადასხვა აქციებს მესტიის ახალგაზრდები გამოეხმაურნენ.  აქციის მიზანი იყო CTC-ის მიმდებარე ტერიტორიის დასუფთავება  და ახალგაზრდებში გარემოს დაცვითი ცნობიერების ამაღლება .

CTC-ის ზემო სვანეთის პროექტის ახალგაზრდული კომპონენტისა და ადგილობრივი არასამთავრობო ორგანიზაცია ,,მეოხი 2010 ”- ის ორგანიზებით ახალგაზრდა მოხალისეებმა მოაწყვეს დასუფთავების აქცია და დისკუსია ეკოლოგიურ საკითხებზე.

მესტიაში დედამიწის დღისადმი მიძღვნილ ღონისძიებაში 9 ახალგაზრდა ჩაერთო. ღონისძიება CTC-ის ოფისში 2 საათზე  დაიწყო. დისკუსია-განხილვაზე ახალგაზრდებმა ისაუბრეს გარემოს დაცვით  პრობლემებზე, ეკოლოგიურად უსაფრთხო და ჯანსაღ გარემოს შენარჩუნებაზე .

დისკუსიის შემდეგ ახალგაზრდებმა CTC-ის ოფისის მიმდებარე ტერიტორია დაასუფთავეს და ამით თავიანთი წვლილი შეიტანეს  უსაფრთხო გარემოს შენარჩუნებაში.

ყოველი წელს  დედამიწის დღისადმი მიძღვნილ სხვადასხვა აქციაში 174 ქვეყნის 17000–მდე ორგანიზაცია და მილიონობით მოხალისე დედამიწაზე საკუთარი გარემოს გაუმჯობესების მიზნით მონაწილეობს.

დედამიწის დღე 1970 წლიდან 22 აპრილს აღინიშნება. ეს დღე სენატორმა გეოლორდ ნელსონმა მას შემდეგ დააარსა, რაც  სანტა ბარბარას საბადოდან ნავთობი დაიღვარა, რამაც ოკეანის დაბინძურება და წყლის ბინადართა განადგურება გამოიწვია.

ტრენინგი საზოგადოებრივი ორგანიზაციებისათვის სოციალურ მეწარმეობაში

საქართველოს სტრატეგიული კვლევებისა და განვითარების ცენტრი იწვევს საზოგადოებრივი ორგანიზაციებს მონაწილეობა მიიღონ ტრენინგში - “ბიზნეს გეგმის შემუშავება სოციალური საწარმოებისთვის”, რომელიც ტარდება 23-26 აპრილს (თბილისი).

ტრენინგი მიზნად ისახავს სოციალური მეწარმეობის, როგორც საზოგადოებრივ ორგანიზაციებში მდგრადი განვითარების ერთ-ერთი ფორმის დანერგვას. ტრენინგის მონაწილენი მიიღებენ თეორიულ და პრაქტიკულ ინფორმაციას სოციალური მეწარმეობის შესახებ, შეისწავლიან სოციალური საწარმოს დაგეგმვის, ორგანიზების, მარკეტინგულ და ფინანსურ ასპექტებს.

შერჩევის მთავარი კრიტერიუმია ორგანიზაციაში სოციალური მეწარმეობის კუთხით არსებული გამოცდილება და/ან პოტენციალი, რომელსაც წარმოადგენეთ სააპლიკაციო ფორმითა და სამოტივაციო წერილით. პრიორიტეტი მიენიჭებათ ორგანიზაციებს, ვისაც ჯერ არ მიუღია მონაწილეობა ცენტრის მიერ გამართულ მსგავსი ტიპის ტრენინგში. ტრენინგში მონაწილე ორგანიზაციების რაოდენობა შეზღუდულია.

ტრენინგზე დასწრების შესაძლებლობა აქვთ:

1.      არასამთავრობო ორგანიზაციის წევრებს;

2.   ორგანიზაციას, რომელსაც თქვენ წარმოადგენთ, აქვს სოციალური მეწარმეობის პრაქტიკა ან მისი განვითარების შესაძლებლობა და სურვილი;

3.   მონაწილეებს, რომლებსაც შეუძლიათ სრულად დაესწრონ ტრენინგს 4 დღის განმავლობაში (23-26 აპრილი).

ტრენინგზე დასწრების მსურველებმა უნდა წარადგინონ არაუგვიანეს

ა.წ. 17 აპრილი, 16:00 საათისა

1. სამოტივაციო წერილი (მაქსიმუმ 1,5 გვერდი), სადაც მოკლედ აღწერთ:

• აქვს თუ არა ორგანიზაციას სოციალური მეწარმეობის გამოცდილება;
• აპირებს თუ არა მსგავსი პრაქტიკის გაფართოებას / დანერგვას მომავალში;
• კონკრეტულად, რას ელით თქვენ დაგეგმილი ტრენინგიდან.

2. სრულად შევსებული სააპლიკაციო ფორმა (დოკუმენტი  ჩამოტვირთეთ ამ ლინკიდან ან ორგანიზაციის ვებ-გვერდიდან: www.csrdg.ge)

საბუთების წარმოდგენა შესაძლებელია:

1. ელექტრონული სახით: apply@csrdg.ge  ან 2. ნაბეჭდი სახით, სტრატეგიული კვლევებისა და განვითარების ცენტრის ოფისში, მისამართზე: თბილისი, დელისის 1 შესახვევი, 5ª, ტელ.: (+995 32) 2399019/18.

საკონტაქტო პირი: ქეთი კაკაბაძე

ბიულეტენის მე-3 ნომერი

გამოვიდა ელექტრონული ბიულეტენი, რომელსაც გამოსცემს და ავრცელებს CTC სვანეთის პოექტის ფარგლებში ყოველ ორ თვეში ერთხელ.


ელექტრონული ბიულეტენი #3, მარტი 2012 (გადმოწერეთ ამ ბმულიდან)